Ofnbökuð ítölsk ostadýfa
Það er ekki oft sem ég verð orðlaus, en það varð ég svo sannarlega þegar ég tók fyrsta bitann af þessari bragðgóðu ostaídýfu. Ídýfan er frábær sem forréttur, í saumaklúbbinn eða partýið og færir okkur til Ítalíu að minnsta kosti í huganum.
30 mín
4
skammtar
3.555 kr.
Setja í körfu
Hráefni
3.555 kr.
Setja í körfu
Uppskrift
Hráefni
- 1 kúla ferskur mozzarella, rifinn
- 1,5 dl parmesanostur, rifinn
- 200 g Rjómaostur
- 200 pakki Kirsuberjatómatar
- 1 hvítlauksrif, saxað smátt
- Ferskt steinselja, söxuð
- 1 tsk Ítalskt krydd
- 1 stk Salt
- 1 stk Ólífuolía
Blandið mozzarella, parmesan, rjómaosti og kryddum saman í skál og hrærið vel. Setjið ídýfuna í ofnfast mót.
Látið í 200° heitan ofn og bakið í 15 mínútur eða þar til osturinn er byrjaður að búbbla og orðinn örlítið gylltur á lit.
Skerið tómata og hvítlauk niður og blandið saman. Setjið yfir ídýfuna síðustu 5 mínútur eldunartímans.
Takið úr ofni og hellið góðri ólífuolíu yfir allt og endið á að strá steinselju yfir.
Saltið og berið fram með ristuðu baquette eða kexi.
