Kjötbollur í brúnni sósu & kartöflumús

1. Byrjið á að steikja lauk á pönnu upp úr olíu þar til að hann mýkist aðeins.
2. Setjið ritz kex í matvinnsluvél ( bragðmikið og kemur í stað fyrir krydd).
3. Setjið í skál, nautahakk, ritz kex, eggjarauður, múskat og laukinn og blandið vel saman með sleif. Mótið bollur.
4. Setjið ca 1 msk af olíu á pönnu og brúnið kjötbollurnar á öllum hliðum eða í um 4-5 mínútur. Takið af pönnunni og leggið á eldhúsrúllu til að mesta fitan leki af.
5. Gerið sósu samkvæmt leiðbeiningum á pakka.
6. Bætið kjötbollunum saman við sósuna og leyfið að malla saman í um 15 mínútur.
7. Sjóðið kartöflur, flysið þær og stappið með smjöri þar til að hin fullkomna kartöflumús verður til.

Berið allt saman fram og ekki gleyma sultunni, hún gerir þetta enn betra!