Þessi bragðgóða fjallagrasa krakkamixtúra með appelsínubragði hefur mýkjandi áhrif og er góð gegn særindum í hálsi.

Virkni sína sækir mixtúran í fjallagrasaþykkni með fjölsykrum sem mynda þunna himnu yfir slímhúð í hálsi og efri hluta öndunarvegar.

Fjallagrasa krakkamixtúra er án alkóhóls og hentar því börnum frá eins árs aldri.

Fyrirtækið Íslensk fjallagrös hf. (Iceherbs) framleiðir heilsumixtúrur úr fjallagrösum og öðrum íslenskum náttúruvörum undir vörumerkinu Natura Islandica. Vörumerkið Natura Islandica vísar til þeirra verðmæta sem felast í hreinleika íslenskrar náttúru.

Fjölmargar rannsóknir virtra vísindamanna hafa sýnt að virku efnin í fjallagrösunum eru ónæmisörvandi og geta hindrað vöxt baktería og veira. Niðurstöðurnar styðja því vel við aldagamla trú manna á heilsugildi grasanna og að lækningarmáttur þeirra eigi við rök að styðjast.

Krakkamixtúran fæst með appelsínu, súkkulaði og jarðaberjabragði

Notkunarleiðbeiningar: 1 teskeið (5 ml) 3-5 sinnum á dag handa börnum eldri en 1 árs. Hristist fyrir notkun.

Innihald: 

• Appelsínubragð: Vatn, maltitólsýróp, glúkósasýróp, fjallagrasaþykkni, appelsínuþykkni og pektín.
• Jarðaberjabragð: Vatn, maltitólsýróp, glúkósasýróp, fjallagrasaþykkni, jarðaberjaþykkni og pektín.
• Súkkulaðibragð: Vatn, maltitólsýróp, glúkósasýróp, fjallagrasaþykkni, súkkulaðiþykkni og pektín.