Lambalæri með ofnbökuðu grænmeti, fullkomin páskamatur sem eflaust margir munu bjóða upp á yfir páskana.

Hráefni

Lambalæri

• Lambalærið
• 1 stk lambalæri (c.a 1,5-2 kg)
• Salt og pipar
• Bezt Á Lambið kryddið
• 2 tsk þurrkað rósmarín

Aðferð

1. Byrjið á að salta og pipra lambið vel allan hringinn bæði undir og yfir
2. Setjið svo Bezt Á Lambið kryddið létt yfir
3. Að lokum strái ég þurrkuðu rósmarín yfir allt í litlu magni
4. Bakið í ofni við 200°C blást­ur í 1,5 klst jafnvel ögn lengur eftir því hversu rautt þið viljið hafa kjötið.

Ofnabakað grænmeti

• 1 stór bökunarkartafla
• 1 stór sæt kartafla
• 4-5 gulrætur
• 1 rauðlaukur
• 1 græn paprika
• Ólífuolía
• Rósmarín
• salt
• pipar

Aðferð

1. Skerið allt grænmetið smátt niður og setjið á bökunarplötu með smjörpappa
2. Hellið olíu vel yfir allt grænmetið og saltið, piprið og kryddið með þurrkuðu rósmarín
3. Nuddið nú öllu vel saman og bakið við 190°C blástur í eins og 1 klst.