Hér eru kjúklingabringurnar skornar í tvennt og fylltar með osti og ferskum aspas. Útkoman er lyginni líkust! 

• Uppskriftin er fyrir fjóra.

Hráefni

Kjúklingur

• 4 stk. kjúklingabringur, ein bringa á mann
• 4 sneiðar Óðals Tindur í sneiðum
• 8 stk. ferskur aspas (2-3 stk. á mann)
• sítrónubörkur
• salt og pipar
• paprikukrydd

Kartöflur með parmesan

• 2 stk stórar sætar kartöflur
• 1 stk hvítlauksrif
• 3 msk ólífuolía eða matarolía
• salt og pipar eftir smekk
• 3 msk rifinn Parmesan ostur, ferskur eða í kryddi
• Italian krydd eftir smekk
• Parsley krydd eftir smekk

Köld sósa

• 1 dós 18% sýrður rjómi frá Gott í matinn, MS
• 1 stk hvítlauksrif, pressað
• safi úr hálfri sítrónu
• salt og pipar eftir smekk

Aðferð

1. Kartöflurnar eru skornar í litla teninga
2. Blandið saman í skál; olíu ásamt hvítlauk og kryddunum fyrir utan parsley, það fer á kartöflurnar þegar þær koma úr ofninum.
3. Kartöflunum er velt upp úr olíublöndunni og raðað á ofnplötu.
4. Smá olía er skilin eftir til að pensla aspasinn.
5. Kjúklingurinn er skorinn þvert og opnaður eins og umslag.
6. Kryddið kjúklinginn með salti og pipar og rífið sítrónubörkinn fínt yfir.
7. Osturinn og olíuborinn aspasinn er svo settur inn í.
8. Næst er kjúklingnum lokað og hann kryddaður með salti, pipar og papriku kryddi.
9. Kjúklingurinn er þá settur á ofnplötuna með kartöflunum og bakað í ofninum í 25-30 mínútur.

Eftir Gígju S. Guðjónsdóttur