Hráefni

• 1 kg humar
• Íslenskt smjör
• 3 stk. laukar
• Hvítlaukur
• Blaðlaukur
• Gulrætur
• 1⁄2 búnt stenselja
• 1⁄2 búnt kóríander
• Tómatpúrra
• 1 dl hvítvín (1-2 dl)
• Rjómi frá Gott í matinn
• Fiskikraftur
• Salt og cayenne pipar
• Karrí

Aðferð

1. Skolið humarinn vel, takið hann úr skelinni og setjið til hliðar.
2. Steikið skeljarnar upp úr íslensku smjöri og hvítlauk í u.þ.b. 10 mínútur.
3. Bætið lauk, blaðlauk og gulrótum út í pottinn.
4. Næst er karrí, steinselja og kóríander sett saman við ásamt salti og cayenne pipar.
5. Steikið áfram í 10 mínútur.
6. Hrærið tómatpúrrunni saman við.
7. Hellið hvítvíninu út í pottinn.
8. Leysið 2 teninga af fiskikrafti upp í litlum potti með 1 lítra af vatni og hellið út í stærri pottinn.
9. Látið sjóða í 5 mínútur og hellið þá 1 lítra af rjóma út í súpuna.
10. Látið súpuna malla á vægum hita í 1 klst.
11. Sigtið skeljarnar og grænmetið frá í lokin og setjið humarinn út í súpuna í stutta stund.
12. Setjið 1 msk. af þeyttum rjóma ofan á miðja súpuna áður en hún er borin fram.
13. Saltið til eftir smekk.

Eftir Tinnu Alavis