Stökkt, bragðgott og sérlega einfalt hrökkbrauð sem hentar svo sannarlega þeim sem kjósa ketó eða lágkolvetnalífstílinn, en líka öllum hinum. Frábært snarl eða partýmatur og fullkomið með osta- og skinkusalati (ketó).

Hráefni

• 1 dl chiafræ
• 1 dl sesamfræ
• 1 dl graskersfræ
• 1 dl hörfræ
• 2 dl rifinn Goðdala Feykir
• 2 stórar eggjahvítur
• Sjávarsalt

Aðferð

1. Hitið ofn í 160 gráður með blæstri.
2. Hrærið saman fræum og osti.
3. Bætið eggjahvítum saman við og blandið vel saman.
4. Hellið á bökunarplötu klædda bökunarpappír.
5. Leggið annan bökunarpappír ofan á.
6. Fletjið út í þunnt lag.
7. Takið efri bökunarpappírinn af.
8. Stráið sjávarsalti yfir.
9. Bakið í um það bil 25 mínútur eða þar til gullinbrúnt og stökkt.
10. Látið kólna alveg og brjótið svo niður.
11. Geymist vel í lokuðum poka í viku.

Eftir Helenu Gunnarsdóttur