Heitar tartalettur eru ómissandi á mörgum heimilum um jólin. Það er gaman að prófa sig áfram með hinar ýmsu útfærslur og hér höfum við himneskar hátíðar tartalettur með Óðals Tindi, skinku og aspas.
Hráefni
- 250 g Óðals Tindur
- 200 g góð skinka
- 4 msk. majónes
- 2 msk. 18% sýrður rjómi frá Gott í matinn
- 1 msk. Dijon sinnep
- 1 dós aspas í bitum
- 2 msk. aspas safi
- 10 tilbúnar tartalettuskeljar
Aðferð
- Hitið ofn í 180 gráður.
- Rífið ostinn með grófu rifjárni og setjið í skál.
- Skerið skinkuna í litla bita og setjið saman við.
- Hrærið afgangnum af hráefnunum saman og blandið vel.
- Skiptið fyllingunni í tartalettuskeljarnar og bakið í um það bil 12-15 mínútur eða þar til osturinn hefur bráðnað og tekið á sig fallegan gullbrúnan lit.
Eftir Helenu Gunnarsdóttur
