Einstaklega ferskt salat sem er tilvalið sem meðlæti með grilluðu kjöti eða fiski.

Uppskriftin dugir í fjóra skammta.

Hráefni

• 2 stk. gúrkur
• 1 stk. rauðlaukur
• 150 g 10% sýrður rjómi frá Gott í matinn
• 1⁄2 stk. sítróna, safinn
• 4 stk. hvítlauksgeirar
• 3 msk. ferskt dill
• 1⁄2 tsk. salt

Aðferð

1. Saxið gúrkurnar niður ásamt rauðlauknum og setjið í skál.
2. Kreystið sítrónusafann yfir, saltið og blandið vel saman.
3. Blandið sýrðum rjóma saman við ásamt söxuðu dilli og hvítlauk.
4. Hrærið þar til allt hefur blandast vel saman.
5. Gott er að láta gúrkusalatið standa í um 30 mínútur inni í ísskáp áður en það er borið fram svo salatið verði bragðmeira.

Eftir Thelma Þorbergsdóttir