Hér er notað hefðbundið Toblerone, en því ekki að prófa hvítt?

Hráefni í fjórar skálar

• 130 g Toblerone
• 1 dl rjómi frá Gott í matinn
• 2 stk. eggjahvítur
• 2 msk. sykur
• 1 bolli rjómi frá Gott í matinn, þeyttur
• salt á hnífsoddi

Aðferð

1. Toblerone er brætt yfir vatnsbaði.
2. 1 dl af rjóma er hitaður upp að suðu í öðrum potti.
3. Þegar súkkulaðið er bráðnað er heitum rjómanum hellt yfir og hrært þar til glansandi. Þá er blandan látin standa í skálinni þar til hún hefur kólnað.
4. Eggjahvítur eru þeyttar með sykri og salti og sett til hliðar.
5. 1 bolli af rjóma er þeyttur.
6. Helmingur rjómans er tekinn til hliðar til skrauts.
7. Hinn helmingurinn fer í skál með súkkulaðiblöndunni og eggjahvítunum.
8. Hrærið hægt og rólega með sleif þar til allt hefur blandast saman.
9. Blandan er sett í stóra skál eða í 4 litlar skálar og inn í ískáp í 3 kst. í það minnsta.
10. Músin geymist upp í 3 daga í kæli.

Eftir Gígju S. Guðjónsdóttur