Mánudagsfiskurinn tekinn upp á næsta stig. Verður mánudagur ekki bara besti dagur vikunnar?

Hráefni - fyrir fjóra

Ofnbakaður fiskur með rjómaosti og eplum - Gott í matinn

• smjör til steikingar
• 800 g fiskur, t.d. ýsa eða þorskur
• 1 stk grænt epli
• 1 stk rauðlaukur
• 1 stk rauð paprika
• 1 stk græn paprika
• 4 stk gulrætur
• 150 g rjómaostur frá Gott í matinn
• 1 msk karríduft (1-2 msk)
• salt og pipar
• 100 g rifinn ostur, t.d. Gratín ostur

Aðferð

1. Hitið ofninn í 190°C.
2. Hitið smjör á pönnu við vægan hita, skerið grænmetið smátt og steikið í 2-3 mínútur.
3. Bætið rjómaostinum við og kryddið með karríi, salti og pipar.
4. Blandið öllu vel saman og leyfið þessu að malla við vægan hita í fimm mínútur.
5. Skolið fiskinn vel og raðið honum í eldfast mót.
6. Hellið grænmetisblöndunni yfir og sáldrið að endingu rifnum osti út á réttinn. Bakið við 190°C í um 25-30 mínútur. 
7. Berið fiskréttinn fram með hrísgrjónum og fersku salati. 

Eftir Evu Laufeyju Hermannsdóttur