Léttur og góður réttur.

Hráefni fyrir tvo (tvær bringur í salatinu)

Salat:

• 2 stk. eldaðar kjúklingabringur, t.d. grillaðar
• 4 msk. Buffalo Hot sauce
• 2 msk. smjör 
• gott salat, t.d. Lambhagasalat
• 3 stk. vorlaukar
• 3 stk. tómatar
• gráðaostur eftir smekk

Gráðaostasósa:

• 3 msk. gráðaostur
• 2 msk. majónes
• 2 msk. sýrður rjómi frá Gott í matinn
• 1 msk. hvítvínsedik
• 2 msk. mjólk eða rjómi frá Gott í matinn til að þynna sósuna, 2-3 msk.
• örlítið sjávarsalt og svartur pipar

Aðferð

1. Byrjið á að elda kjúklingabringurnar í gegn.
2. Rífið eða saxið salatið og leggið á fat eða stóran disk.
3. Saxið tómatana og vorlaukinn frekar smátt og dreifið yfir salatið.
4. Bræðið smjörið í litlum potti og hellið buffaló sósunni yfir og pískið vel saman við smjörið.
5. Hellið sósunni svo yfir eldaðar kjúklingabringurnar og veltið þeim vel upp úr sósunni.
6. Skerið bringurnar svo í þunnar sneiðar og leggið ofan á salatið. Myljið gráðaostinn að lokum yfir.
7. Stappið gráðaostinn í skál með gaffli.
8. Blandið majónesi, sýrðum rjóma, ediki, salti og pipar saman við.
9. Þynnið með mjólk þar til sósan er eins og þið viljið hafa hana. Ég miða við að sósan sé á þykkt við súrmjólk eða þar um bil.
10. Hellið svolitlu af sósunni yfir salatið og berið restina fram með því.
11. Svo er gott að fá sér smá auka buffaló hot sauce yfir ef maður vill hafa salatið vel sterkt.

Eftir Helenu Gunnarsdóttur