Bragðmikill pastaréttur sem smellpassar á fjölskylduborðið, það fer enginn svangur frá borði í kvöld! Gott er að bera fram með hvítlauksbrauði og við skellum því með í innkaupalistann. 

Hráefni - fyrir sex

• olía 
• 1 stk. laukur
• 1 kg nautahakk
• 5 stk. hvítlauksrif
• 1 tsk. þurrkað óreganó
• 2 tsk. ítalskt krydd
• 2 tsk. salt
• 1 tsk. cayenne pipar
• 1 1⁄2 bolli tómatsósa (sykurlaus)
• 500 g fusilini pasta
• 1 bolli rjómi frá Gott í matinn
• 1 bolli rifinn cheddarostur frá Gott í matinn
• 1 bolli nautasoð (nautakraftur leystur upp í bolla af sjóðandi vatni)

Aðferð

1. Laukurinn er skorinn og mýktur í olíu á pönnu í 4-5 mínútur.
2. Hakkinu bætt út á pönnuna og eldað í gegn.
3. Pasta er sett í pott og soðið eftir leiðbeiningum á pakkanum.
4. Fitunni er hellt af pönnunni og hvítlauk (pressuðum eða smátt skornum) og kryddunum bætt út í.
5. Þegar kryddin hafa blandast vel við hakkið þá er tómatsósu og nautasoði bætt út í hakkið og látið malla.
6. Þegar pastað er tilbúið er því ásamt rjóma og osti bætt út í hakkið og hrært þar til osturinn er alveg bræddur.

Eftir Gígju S. Guðjónsdóttur