Frábær kjúklingaréttur sem verður mögulega þinn uppáhalds í framtíðinni.

Hráefni - fyrir fjóra

• 1 bakki kjúklingalundir
• 1⁄2 bréf beikon
• 1 bakki sveppir
• 200 g hreinn rjómaostur frá Gott í matinn
• 250 ml rjómi frá Gott í matinn
• 1 stk. kryddostur, t.d. villisveppaostur eða piparostur
• Íslenskt smjör til steikingar
• Steinselja
• Blaðlaukur

Aðferð

1. Takið fram tvær pönnur (eina litla og aðra stóra).
2. Steikið kjúklinginn upp úr íslensku smjöri þar til hann er orðinn gylltur á litinn.
3. Steikið beikonið á minni pönnunni þar til það er orðið stökkt og hellið yfir kjúklinginn.
4. Hellið rjómanum yfir kjúklinginn og beikonið.
5. Setjið kryddostinn og rjómaostinn út í rjómann og látið bráðna.
6. Smjörsteikið sveppina á litlu pönnunni þar til þeir eru farnir að brúnast og hellið út á stærri pönnuna.
7. Steikið blaðlaukinn á vægum hita á litlu pönnunni og bætið við smá íslensku smjöri (óþarfi að þrífa pönnuna á milli). Þegar blaðlaukurinn er orðinn mjúkur er honum bætt út á stærri pönnuna með öllum hinum hráefnunum.
8. Setjið steinselju yfir réttinn í lokin áður en þið berið hann fram. 

Eftir Tinnu Alavis