Stökka beikonið, smjörsteiktu sveppirnir og hvítlaukurinn gera þetta kjúklingapasta einfaldlega gómsætt!‍ Og hér er Óðals Tindur sem er eftirlæti höfundar ... og fleiri. 

Hráefni - fyrir fjóra

• 1 bakki kjúklingalundir
• 1 bréf beikon
• 500 g ferskt pasta ravioli með osti og spínati
• 1 bakki sveppir
• 2 stk laukar
• 4 stk kramin hvítlauksrif
• 2 lúkur spínat
• 1⁄2 Óðals Tindur
• 1⁄2 Parmesanostur
• Íslenskt smjör til steikingar
• 500 ml rjómi frá Gott í matinn

Allt hráefni er á innkaupalistanum nema smjör til steikingar

Aðferð

1. Byrjið á því að steikja beikonið þar til það verður fallega brúnt á litinn.
2. Sigtið þá beikonið frá og setjið í skál til hliðar.
3. Steikið kjúklingalundirnar upp úr 50 g af íslensku smjöri þar til eldaðar í gegn. 
4. Látið þær kólna og skerið svo í litla bita.
5. Þá er komið að því að steikja sveppina upp úr 50 g af íslensku smjöri, síðan laukinn og að lokum hvítlaukinn.
6. Blandið öllu hér að ofan vel saman.
7. Saxið spínatið mjög smátt og hellið út á pönnuna.
8. Takið fram pott og sjóðið pastað í 3 mínútur.
9. Hellið öllu vatninu af.
10. Bræðið Óðals Tind og parmesanostinn í rjómanum í öðrum potti.
11. Setjið pastað út í sósuna og blandið öllu vel saman áður en þið berið réttinn fram.

Verði ykkur að góðu!

Eftir Tinnu Alavis