Ef það er lasagne þá er veisla. Þetta er fljótlegt og ódýrt. 

Hráefni - í eitt meðalstórt mót 

• 1 stk laukur, skorinn smátt
• 2 stk hvítlauksrif, hökkuð
• 2 msk smjör
• Salt, pipar og hálfur kjúklinga- eða grænmetisteningur
• 1 stór poki spínat (4-5 lúkur)
• 1 stór dós kotasæla (500g)
• 1 dós sýrður rjómi 18% (180g) frá Gott í matinn
• 1⁄4 tsk múskat
• 3 msk rifinn parmesan ostur
• 500 g hakkaðir tómatar í dós, krukku eða tilbúin pastasósa
• Lasanjaplötur, þurrkaðar eða ferskar
• 1 poki rifinn pizzaostur

Allt hráefni er á innkaupalistanum nema smjör, salt og pipar.

Aðferð

1. Ofn hitaður í 170 gráður með blæstri, annars 180 gráður.
2. Laukur og hvítlaukur steiktur upp úr smjörinu við frekar vægan hita þar til mýkist, saltað og piprað og teningurinn mulinn yfir.
3. Hitinn hækkaður aðeins og spínatinu bætt á pönnuna.
4. Steikið spínatið þar til það hefur linast.
5. Takið pönnuna af hitanum og bætið kotasælu, parmesan og sýrðum rjóma saman við. Kryddið með múskati, salti og pipar eftir smekk.
6. Setjið smá tómatmauk neðst í eldfast mót.
7. Svo koma lasanjaplötur, spínatblanda, tómatamauk. Endurtakið þetta þrisvar, endið á spínatblöndu og tómatamauki.
8. Stráið osti yfir allt saman og bakið í 30 mínútur eða þar til lasanjaplöturnar eru eldaðar í gegn.
9. Gott er að láta lasanjað standa í 10 mínútur áður en það er borið fram.

Verði ykkur að góðu! 

Eftir Helenu Guinnarsdóttur