Einstaklega gott pasta sem hentar bæði hversdags og við fínni tilefni.

Hráefni - fyrir fjóra

• 2 msk olía
• 1 stk hvítlauksrif
• 1⁄2 stk laukur
• 16 stk risarækjur, ósoðnar (16-20)
• 14 stk kirsuberjatómatar
• 350 g spagettí
• 150 g spínat
• Ólífuolía
• Óðals Tindur (magn eftir smekk)
• Baguette brauð
• Salt og pipar
• Chiliflögur eftir smekk

Allt hráefni er á innkaupalistanum nema salt, pipar og olía. 

Aðferð

1. Skolið rækjurnar og þerrið.
2. Sjóðið spagettí í vel söltu vatni samkvæmt leiðbeiningum á pakkanum.
3. Hitið olíu eða smjör á pönnu, skerið lauk og hvítlauk afar smátt og steikið þar til laukurinn er mjúkur í gegn.
4. Skerið risarækjurnar í litla bita og bætið út á pönnuna, kryddið með salti, pipar og chiliflögum eftir smekk.
5. Steikið í 3 mínútur eða þar til rækjurnar eru bleikar að lit.
6. Bætið kirsuberjatómötum út á pönnuna og kryddið með salti, pipar og chiliflögum eftir smekk.
7. Hellið pastavatninu frá og bætið spagettíinu út á pönnuna ásamt spínatinu, sáldrið ólífuolíu út á réttinn og rífið duglega af Tindi yfir.
8. Berið fram með góðu brauði. 

Eftir Evu Laufey Kjaran Hermannsdóttur