Einfaldar og algjörlega ómótstæðilegar quesadillas! Þú sérð ekki eftir að prófa þennan.

Hráefni - fyrir fjóra

Quesadillas

• 3 stk. kjúklingabringur
• 4 msk ólífuolía
• 3 tsk chilli (2-3 tsk.)
• 1 1⁄2 tsk cumin
• 1 stk rauð paprika
• 1 tsk græn paprika
• 1⁄2 stk rauðlaukur
• 3 stk hvítlauksgeirar
• 5 stk tortillakökur, meðal stórar (5-6 stk.)
• 1 poki rifinn pizzaostur frá Gott í matinn
• 1 poki rifinn cheddarostur frá Gott í matinn
• 1 poki svart Doritos
• smjör
• safi úr hálfri límónu
• salt og pipar
• kóríander
• Salsasósa

Allt hráefni er á innkaupalistanum nema salt og pipar.

Avókadó ídýfa

• 3 stk mjúk avókadó
• 180 g sýrður rjómi 36% frá Gott í matinn
• 1⁄2 stk límóna
• 1 bréf guacamole krydd
• salt

Aðferð

1. Skerið kjúklinginn í litla bita og steikið á pönnu ásamt 2 msk. af ólífu olíu.
2. Bætið öllu kryddi saman við og veltið kjúklingnum vel upp úr því.
3. Þegar kjúklingurinn er orðinn eldaður, setjið hann þá í skál og til hliðar.
4. Skerið paprikurnar og í litla bita og steikið á pönnu ásamt 2 msk. af ólífu olíu.
5. Skerið rauðlauk gróflega niður og steikið ásamt paprikunum.
6. Því næst er hvítlauknum bætt saman við og steiktur snögglega, passið þó að hann brenni ekki á pönnunni.
7. Blandið grænmetinu saman við kjúklinginn og kreistið hálfa límónu yfir og hrærið saman.
8. Setjið smá klípu af smjöri á pönnu og setjið tortillaköku á pönnuna, hitið hana örlítið og snúið henni svo við.
9. Setjið cheddar og pizzaost yfir alla tortilluna.
10. Þegar osturinn er farinn að bráðna aðeins setjið þá kjúklinga og grænmetisblönduna á helming tortillunar ásamt kóríander og Doritos.
11. Lokið tortillunni og skerið í 3 bita.
12. Berið fram með salsasósu, avacado ídýfu og meira Doritos.

Avókadó ídýfa:

1. Setjið allt hráefni í blandara eða matvinnsluvél og hakkið þar til blandan er orðin mjúk og slétt.
2. Einstaklega góð með Quesada, taco eða tortilla snakki.

Eftir Thelmu Þorbergsdóttur